A Sociedade
Cultural Areosa nace no ano 1979 pola inquedanza dun grupo de veciños e
veciñas de Piñeiros decididos a impulsar a recuperación da nosa cultura
tradicional, así como a dinamizar unha das parroquias máis puxantes do
Narón ainda rural que soñaba cun futuro diferente.
Hoxe, 35 anos despois, Areosa quere seguir a ser unha referencia dentro
do movemento asociativo de Narón, cun amplo abano de actividades
culturais, moitas delas recuperadas ou iniciadas de xeito pioneiro hai
máis de 30 anos polos homes e mulleres que formaron parte da nosa
entidade dende os albores da democracia ata hoxe.
Benvidos
todos, a este espazo web que quere ser un lugar máis de cultura e
encontro no que Areosa se abre ao mundo para dar a coñecer un pasado do
que se sente orgullosa, un presente cheo de vida, e un futuro ilusinante.