CURRICULUM
A
Coral da Sociedade Cultural Areosa nace no ano 1985, como
consecuencia da creación de distintas comparsas para participar no
antroido do Concello de Narón. A partir desta data Xosé Agulló
dirixe a coral ata o ano 1992. Posteriormente encargarase da
dirección o mestre Xosé Manuel Gabía ata o ano 2003, e de aí en diante Serxio Bernal Fuster ata novembro de 2013.
A
coral consta de 35 voces mixtas. As súas actuacións teñen lugar en
todo tipo de actos culturais e litúrxicos ó longo de toda Galicia,
así como noutras autonomías e no veciño Portugal. Entre as
actuacións realizadas ata agora cabe destacar a súa colaboración
coa Xove Banda de Narón no Concerto de Nadal do ano 1995, no
auditorio deste concello. Así mesmo participou nun acto cultural na
localidade de Derio, Bilbao. No ano 1999 participa tamén no II
Certame de Habaneras de Portonovo, e de 2001 a 2010 participa
no Festival de Panxoliñas de Caixanova en Vigo e na Coruña. No curso 2002-03
levou a cabo unha colaboración coa Banda Cultural de Ortigueira
facendo varios concertos coa mesma. Dende o ano 2004 actúa como
anfitriona no Certame de Habaneras de Narón organizado pola entidade
á que pertence.
En
2006 participa no Festival da Sidra e o Mar no concello asturiano de
Sariego, e no 2007 caben destacar as súas actuación no Concerto de
Verán en mondariz organizado polo Orfeón Condado de Paradanta así
como no Festival de Habaneras e Boleros de Nigrán.
En
maio do 2008 renova os seus lazos co Coro Ipar Alde de Derio,
ofrecendo un concerto nesta localidade biscaíña, e no mes de
novembro participa no festival de aniversario do Orfeao de
Recardaes, en Águeda, Portugal. No ano 2009 realizou varias saídas
entre as que destacan a actuación no Encontro de Corais Villa de
Boal, en Asturias, o Festival de Corais da Fundación de Lord, en
Oporto, Portugal, e o Encontro de Corais de Quiroga, na montaña
lucense. En maio de 2010 visita o pobo asturiano de Langreo para
participar no seu encontro coral. En xaneiro de 2011 realiza un
concerto na Igrexa de San Xoan Bautista de Vitoria- Gazteiz e en
novembro visita a localidade asturiana de Cudillero para
participar no seu festival de habaneras. En outono de 2013 realizou unha actuación Arriondas, no oriente asturiano e en setembro de 2014 participa nun Festival en Villaviciosa (Asturias). En maio de 2015 participa no Encontro Internacional de Corais de Sanguedo, Santa María de Feira, Portugal
O
seu director actual é o mestre Francisco Javier Sancho Ribero.
